Turizm Təlim və Sertifikasiya Mərkəzinin təlimçilərinə  “Sertifikatlaşdırılmış qonaqpərvərlik təlimi” mövzusunda təlim keçirilib

Turizm Təlim və Sertifikasiya Mərkəzinin təlimçilərinə “Sertifikatlaşdırılmış qonaqpərvərlik təlimi” mövzusunda təlim keçirilib

17:27 08.10.2021
Azərbaycan Turizm Bürosunun nəzdində fəaliyyət göstərən Turizm Təlim və Sertifikasiya Mərkəzinin təlimçilərinə “Sertifikatlaşdırılmış qonaqpərvərlik təlimi” mövzusunda təlim keçirilib.
 
Amerika Hotel və Yerləşdirmə İnstitutu (AHLEI) ilə əməkdaşlığı çərçivəsində keçirilmiş təlimdə ölkənin 17 turizm sənayesi nümayəndəsi, o cümlədən tanınmış hotelləri,  Azərbaycan Turizm Bürosu və Azərbaycan Hotel Assosiasiyasının nümayəndələri iştirak ediblər.
Kurs peşəkar təlimçi və Azərbaycan Turizm və Menecment Universiteti üçün də xüsusi təhsil və sertifikatlaşdırma layihələri üzərində işləmiş Corc Abbelohd tərəfindən keçirilib.
 
Keyfiyyətin yüksəldilməsinə xidmət edən təlimdə təlimçilərin təlim prosesi zamanı hər bir addımı necə idarə etmələrindən bəhs olunub.
Qeyd edək ki, Amerika Hotel və Yerləşdirmə İnstitutu hazırda 2000-dən çox  universitet, kollec, peşə məktəbi, 16 500-dən artıq mehmanxana və hökumət təşkilatları ilə əməkdaşlıq edir. Təşkilatın təhsil və peşəkar sertifikat proqramları, qonaqpərvərlik sektorunun bacarıq və biliklərinə görə tanınan mütəxəssisləri tərəfindən təlim və sənayedə geniş şəkildə tanınan sertifikatlar təqdim edilir.
 
Turizm Təlim və Sertifikasiya Mərkəzi 2020-ci ilin iyul ayında təsis edilib. Mərkəzin əsas missiyası innovativ tədris metodları ilə sənaye nümayəndələrini və dövlət rəsmilərini təlimə cəlb etməklə turizm sənayesində xidmət keyfiyyətini yaxşılaşdırmaq, eləcə də ölkədə turizm haqqında məlumatlılığı artırmaq və turizm sektorunda məşğulluğa töhfə vermək üçün təlimlər təşkil etməkdir.
 
Mərkəz təsis edildiyi gündən etibarən 30 təlim keçərək 476 nəfəri məzun edib və 330 nəfərə sertifikat təqdim edib.